طــــــــــــريق
الكتابة (3)
________
حاليا..الان ..دلوقت.. كل اللى اعرفه ان الكتابه هى الحاجه الوحيده اللى فى حياتى مظبوطه
واللى عشانها ممكن الف واسافر واغامر واتمرمط فى سبيل انى اللى بكتبه يوصل للناس بشكل شريف
وبعدين لانى انا مابعرفش اتكلم مع الناس فيس تو فيس كده طوالى انما اقدر اعبر عن اى شئ بالكتابة
اقدر اقول اللى لسانى مايعرفش يقوله
بصحيح العباره كده "مع الناس والعالم شئ ومع الكتابة شئ تانى خالص "
ودى حاجه على قد ماهى بتحزن بس بتفرح آوى برضه
نفسى فى يوم اوصّل كل شئ بحسه للناس
و انى اعرف واقدر ان اترجم نظرة الحياة والدنيا فى سطور تقدر الناس تفهمها وتستوعبها ..
نفسى اعمل شئ بالكتابة يكون مميز عن اى شئ قبل كدا
هو طموح عالى مابينتهيش بس محتاج حاجات كتير جدا عشان اوصل للمستوى دا
المستوى اللى قدر نجيب محفوظ يكتب منه الروايات والاعمالدى كلها اللى يشهد ليه الناس بيها
اتمنى اقدر بطريقة العصر اللى احنا فيه وبالطريقه الكتابيه التقليدية اللى كانت قبل كدا
بالمزيج مع بعض ممكن يطلع نوع جديد يكون افضل ...
فيه كتّاب كتير بحب اقرالهم وضايف مدوناتهم عندى فى مدونتى عشان اقدر دائما اتابعهم
بتمنى يفضلوا يكتبوا عالطول. لان القراءه ليهم تعتبر روح تانيه بالنسبالى
بكسب بيها حياه اضافية و كل ما اكتشف كاتب جديد دا يعنى حياة جديده ممكن تشوفها
زى ما نفسى ابقى بالشكل دا بالنسبه للناس واللى بكتبه يضيف ليهم برضه حياة جديده
عالم الكتابة سحر او جنون اكبر من اى جنون ..
عالم بينقذنى دائما من واقع مؤلم عايش فيه وواقع شايفه مالهوش حل او تفسير
عالم عندى امل فيه انه يتغير الواقع ولو مش دلوقت او على الاقل جزء منه
وماعنديش مشكله انى افضل فى العالم دا جزء غير معروف
بس هاتبقى مشكله كبيره آوى لو ماقدرتش فى يوم اوصل للناس بيه ...
فيه برضه كّتاب كتير لسه فيه اللى مش وصلت ليه
بشكر الى عرفتهم ويعرفونى واللى من غير مايعرفونى
وبتمنى دائما اشوف جديد من الكتّاب وجديد للى بقرالهم ..
غير مدونات آخرى مختلفة .. دائما ليهم اسلوب بعجز الصراحه عن وصفه
واللى اقل شئ فيه يتقال هى كلمه "راائع جدا " ....
كلمة اخيرة ... (لسه المشوار طويــــــــــل) .........
________
حاليا..الان ..دلوقت.. كل اللى اعرفه ان الكتابه هى الحاجه الوحيده اللى فى حياتى مظبوطه
واللى عشانها ممكن الف واسافر واغامر واتمرمط فى سبيل انى اللى بكتبه يوصل للناس بشكل شريف
وبعدين لانى انا مابعرفش اتكلم مع الناس فيس تو فيس كده طوالى انما اقدر اعبر عن اى شئ بالكتابة
اقدر اقول اللى لسانى مايعرفش يقوله
بصحيح العباره كده "مع الناس والعالم شئ ومع الكتابة شئ تانى خالص "
ودى حاجه على قد ماهى بتحزن بس بتفرح آوى برضه
نفسى فى يوم اوصّل كل شئ بحسه للناس
و انى اعرف واقدر ان اترجم نظرة الحياة والدنيا فى سطور تقدر الناس تفهمها وتستوعبها ..
نفسى اعمل شئ بالكتابة يكون مميز عن اى شئ قبل كدا
هو طموح عالى مابينتهيش بس محتاج حاجات كتير جدا عشان اوصل للمستوى دا
المستوى اللى قدر نجيب محفوظ يكتب منه الروايات والاعمالدى كلها اللى يشهد ليه الناس بيها
اتمنى اقدر بطريقة العصر اللى احنا فيه وبالطريقه الكتابيه التقليدية اللى كانت قبل كدا
بالمزيج مع بعض ممكن يطلع نوع جديد يكون افضل ...
فيه كتّاب كتير بحب اقرالهم وضايف مدوناتهم عندى فى مدونتى عشان اقدر دائما اتابعهم
بتمنى يفضلوا يكتبوا عالطول. لان القراءه ليهم تعتبر روح تانيه بالنسبالى
بكسب بيها حياه اضافية و كل ما اكتشف كاتب جديد دا يعنى حياة جديده ممكن تشوفها
زى ما نفسى ابقى بالشكل دا بالنسبه للناس واللى بكتبه يضيف ليهم برضه حياة جديده
عالم الكتابة سحر او جنون اكبر من اى جنون ..
عالم بينقذنى دائما من واقع مؤلم عايش فيه وواقع شايفه مالهوش حل او تفسير
عالم عندى امل فيه انه يتغير الواقع ولو مش دلوقت او على الاقل جزء منه
وماعنديش مشكله انى افضل فى العالم دا جزء غير معروف
بس هاتبقى مشكله كبيره آوى لو ماقدرتش فى يوم اوصل للناس بيه ...
فيه برضه كّتاب كتير لسه فيه اللى مش وصلت ليه
بشكر الى عرفتهم ويعرفونى واللى من غير مايعرفونى
وبتمنى دائما اشوف جديد من الكتّاب وجديد للى بقرالهم ..
غير مدونات آخرى مختلفة .. دائما ليهم اسلوب بعجز الصراحه عن وصفه
واللى اقل شئ فيه يتقال هى كلمه "راائع جدا " ....
كلمة اخيرة ... (لسه المشوار طويــــــــــل) .........
----------------
من كتاب " البوابة "
من كتاب " البوابة "
ليست هناك تعليقات:
إرسال تعليق