بداية
الكتابه بقه عندى كانت خروج للدنيا وتعبير
عن حاجات معترض عليها
وانا عندى تقريبا كده 15 سنه كنت بدأت اكتب مذكراتى من اول ما دخلت المدرسه لحد دلوقت
(دلوقت اشاره للمرحله اللى كنت فيها وقتها .."الثانويه العامه" )
كنت بدأت اكتب عن اصدقائى وعن نفسى ومش عارف الكشكول يمكن يكون لسه عندى ولا راح
وبعديها بأسلوب بدائى جدا كتبت...... اول موضوع فى حياتى
كان بيتكلم عن التوازن بين الروح وبين المادة
يعنى ماينفعش نعيش بروح زى الملايكه بس وماينفعش نعيش برضه كجسد بس
او عشان الحياة المادية وخلاص انما نعمل توازن بين الاتنين
لاننا اتخلقنا كدا ماينفعش ناحية تطغى على التانيه والا هايحصل خلل
فضلت بقه سنتين تلاته اكتب مع نفسى وبس واللى كان بيقرا يا واحد يا اتنين
ولما درست التاريخ كان فيه مدرس شخصيته آثرت فيا شويه وبطريقة شرحه للماده خلتنى استمتع بيها
كان من الاخوان المسلمين اللى اياميها كانت الجماعه معارضه محظوره من النظام السابق
كان مختلف عنهم و عن الجماعه نفسها لانى كنت شايفه معاصر شويه مش متشدد
وكانت آرائه بيقولها بطريقة ظريفه تخليك تحب دراسه المادة ومعرفتها مش عشان بس مجرد امتحان فيها
من هنا بقه واتفتحت عينى على البلد و اللى عايش فيه والدنيا ماشيه ازاى و شكلها ايه
وعلى التاريخ اللى 22 دوله عاشته واللى اتعمل فيها ولسه بيتعمل لحد النهارده
كنت بكتب عن الوحده العربيه وعن الحالات الاجتماعيه وعن ظروف نفسيه بس كانت بشكل بدائى جدا
اسلوب اللى اول ما تقراه تحس ان صاحبه كده اول مره يكتب ولسه مالهوش اسلوب مميز يتعرف بيه
فى بعض الاوقات كنت بطلت كتابه خالص لانى كنت مريت بظروف صعبه وقتها خلتنى ابعد عنها
بس رغم كل شئ رجعتلها تانى وشجعنى على دا بعض الاشخاص اللى كانوا قريبين منى وقتها
وكنت عالطول فى تواصل معاهم وليهم فى نفسى مكانة خاصه جدا
كانوا اول الطريق وخطوات التشجيع واول ناس قالولى... " استمر ..يجى منك "
بعد الثوره بقه اتجدد عهدى بالكتابة لمرحله تانيه مختلفة تمااااما
لان الغشاوة اللى كانت على عينى راحت وبقيت اقدر اكتب اى شئ من غير ما حد يقولى حاجه
والمنطقة السوده اللى فى نفسيتى بدأت تزول بشكل نهائى
كتبت ايام الامتحانات قبل يوم 25 يناير حاجه كده بس ما شفهاش حد
كنت بقول فيها كل حاجه شايفها غلط وتسببت فى السواد اللى غطى نفسيتى ساعتها
كانت اسمها "دموع الامل " ..
عشان كدا الثوره نمت الكتابه وعملت بيها طفرة فى حياتى واسعه آوى
بدأت بعديها اتعرف على الناس بشكل افضل بس فى الاول خليتهم يشوفوا اللى كنت بكتبه
ودخلت منتدى للكليه اللى كنت فيها وبدأت احط اللى بكتبه هناك وبالاضافه لعالم الفيس بوك
كتابتى دائما ليها طابع فلسفى او تحليلى ومعاها محتاج دائما اقرأ لسه كتير
وبعدين انضميت لمجله الكلية اللى كان قدملى ليها انسان عزيز عليا خلانى اشترك بموضوع فى العدد الخامس
وبعديها السادس والسابع لحد ما وصلت للرابع عشر دلوقت ...
دا كان آخرى فى الطريق دا و اخر مكان برضه وصلتله غير بعض المحاولات لمواقع الكترونيه
ومجلات جديده الالكترونيه برضه اللى قدرت اشترك فى بعضها
انما بقه مرحله اصدار عمل او مجلة معروفه ومنتشره او جريده ماجاش وقتها لسه
ويمكن مايجيش خالص .. الله اعلم ، بس لو تسمحولى عايز اقف شويه عند الشخص دا ..
الانسان دا كبير اوى فى نظرى ،اكبر من ناس كتيره كان اقرب كمان
فهمنى وشجعنى وتجاوب معايا ودى كانت حاجه معملهاش اى حد
انسان طيب وقلبه كبير وتعلقه بربنا اكبر وبالقراءن الكريم وبالدعوه ذاتها
فى ليله فرحته كنت رحت خصوصا عشان اباركله ولانى ماينفعش افوّت حاجه زى دى
كانت ابتسامته ليا اول ما شافنى جيت هى اجمل حاجه حصلت وخلتنى من جوايا فعلا سعيد
قولتله ليا طلب عندك .. ياريت ماتبطلش كتابة طول ما انت عايش
لان فيه اقلام بحس ان الامل موجود طول ماهى عايشه وبتكتب
وكان الشخص دا المنبت واول الطريق لاعجابى بحد عنده الموهبه دى وبيمثل ليا فى الطريق دا شئ اساسى
وغير الكتابة هو شخصياً ليه جوايا معزة خاصه جدا
وقدر كبير يستحقه وجانب مهم بحمد ربنا ان اتعرفت فى يوم عليه
بقوله شكراً بجد من اول يوم عرفتك فيه ولحد آخر يوم فى حياتى
انت من النوعية اللى مهما يحصل ماتتنسيش واتمنى ان ربنا يوفقه فى حياته ويسعد ايامه دائما
ومايبطلش كتاااابه برضه لان دا ضرورى يعنى :D
من كتاب "البوابة "
وانا عندى تقريبا كده 15 سنه كنت بدأت اكتب مذكراتى من اول ما دخلت المدرسه لحد دلوقت
(دلوقت اشاره للمرحله اللى كنت فيها وقتها .."الثانويه العامه" )
كنت بدأت اكتب عن اصدقائى وعن نفسى ومش عارف الكشكول يمكن يكون لسه عندى ولا راح
وبعديها بأسلوب بدائى جدا كتبت...... اول موضوع فى حياتى
كان بيتكلم عن التوازن بين الروح وبين المادة
يعنى ماينفعش نعيش بروح زى الملايكه بس وماينفعش نعيش برضه كجسد بس
او عشان الحياة المادية وخلاص انما نعمل توازن بين الاتنين
لاننا اتخلقنا كدا ماينفعش ناحية تطغى على التانيه والا هايحصل خلل
فضلت بقه سنتين تلاته اكتب مع نفسى وبس واللى كان بيقرا يا واحد يا اتنين
ولما درست التاريخ كان فيه مدرس شخصيته آثرت فيا شويه وبطريقة شرحه للماده خلتنى استمتع بيها
كان من الاخوان المسلمين اللى اياميها كانت الجماعه معارضه محظوره من النظام السابق
كان مختلف عنهم و عن الجماعه نفسها لانى كنت شايفه معاصر شويه مش متشدد
وكانت آرائه بيقولها بطريقة ظريفه تخليك تحب دراسه المادة ومعرفتها مش عشان بس مجرد امتحان فيها
من هنا بقه واتفتحت عينى على البلد و اللى عايش فيه والدنيا ماشيه ازاى و شكلها ايه
وعلى التاريخ اللى 22 دوله عاشته واللى اتعمل فيها ولسه بيتعمل لحد النهارده
كنت بكتب عن الوحده العربيه وعن الحالات الاجتماعيه وعن ظروف نفسيه بس كانت بشكل بدائى جدا
اسلوب اللى اول ما تقراه تحس ان صاحبه كده اول مره يكتب ولسه مالهوش اسلوب مميز يتعرف بيه
فى بعض الاوقات كنت بطلت كتابه خالص لانى كنت مريت بظروف صعبه وقتها خلتنى ابعد عنها
بس رغم كل شئ رجعتلها تانى وشجعنى على دا بعض الاشخاص اللى كانوا قريبين منى وقتها
وكنت عالطول فى تواصل معاهم وليهم فى نفسى مكانة خاصه جدا
كانوا اول الطريق وخطوات التشجيع واول ناس قالولى... " استمر ..يجى منك "
بعد الثوره بقه اتجدد عهدى بالكتابة لمرحله تانيه مختلفة تمااااما
لان الغشاوة اللى كانت على عينى راحت وبقيت اقدر اكتب اى شئ من غير ما حد يقولى حاجه
والمنطقة السوده اللى فى نفسيتى بدأت تزول بشكل نهائى
كتبت ايام الامتحانات قبل يوم 25 يناير حاجه كده بس ما شفهاش حد
كنت بقول فيها كل حاجه شايفها غلط وتسببت فى السواد اللى غطى نفسيتى ساعتها
كانت اسمها "دموع الامل " ..
عشان كدا الثوره نمت الكتابه وعملت بيها طفرة فى حياتى واسعه آوى
بدأت بعديها اتعرف على الناس بشكل افضل بس فى الاول خليتهم يشوفوا اللى كنت بكتبه
ودخلت منتدى للكليه اللى كنت فيها وبدأت احط اللى بكتبه هناك وبالاضافه لعالم الفيس بوك
كتابتى دائما ليها طابع فلسفى او تحليلى ومعاها محتاج دائما اقرأ لسه كتير
وبعدين انضميت لمجله الكلية اللى كان قدملى ليها انسان عزيز عليا خلانى اشترك بموضوع فى العدد الخامس
وبعديها السادس والسابع لحد ما وصلت للرابع عشر دلوقت ...
دا كان آخرى فى الطريق دا و اخر مكان برضه وصلتله غير بعض المحاولات لمواقع الكترونيه
ومجلات جديده الالكترونيه برضه اللى قدرت اشترك فى بعضها
انما بقه مرحله اصدار عمل او مجلة معروفه ومنتشره او جريده ماجاش وقتها لسه
ويمكن مايجيش خالص .. الله اعلم ، بس لو تسمحولى عايز اقف شويه عند الشخص دا ..
الانسان دا كبير اوى فى نظرى ،اكبر من ناس كتيره كان اقرب كمان
فهمنى وشجعنى وتجاوب معايا ودى كانت حاجه معملهاش اى حد
انسان طيب وقلبه كبير وتعلقه بربنا اكبر وبالقراءن الكريم وبالدعوه ذاتها
فى ليله فرحته كنت رحت خصوصا عشان اباركله ولانى ماينفعش افوّت حاجه زى دى
كانت ابتسامته ليا اول ما شافنى جيت هى اجمل حاجه حصلت وخلتنى من جوايا فعلا سعيد
قولتله ليا طلب عندك .. ياريت ماتبطلش كتابة طول ما انت عايش
لان فيه اقلام بحس ان الامل موجود طول ماهى عايشه وبتكتب
وكان الشخص دا المنبت واول الطريق لاعجابى بحد عنده الموهبه دى وبيمثل ليا فى الطريق دا شئ اساسى
وغير الكتابة هو شخصياً ليه جوايا معزة خاصه جدا
وقدر كبير يستحقه وجانب مهم بحمد ربنا ان اتعرفت فى يوم عليه
بقوله شكراً بجد من اول يوم عرفتك فيه ولحد آخر يوم فى حياتى
انت من النوعية اللى مهما يحصل ماتتنسيش واتمنى ان ربنا يوفقه فى حياته ويسعد ايامه دائما
ومايبطلش كتاااابه برضه لان دا ضرورى يعنى :D
من كتاب "البوابة "
ليست هناك تعليقات:
إرسال تعليق