خمسة وعشريـــــــن يناير . تخيل معايا مفرادات اليوم دا
نستناه كل سنه عشان يقوم شويه من الناس غالباً من الشباب يثور ضد نظام
مرة للمجلس العسكرى ومره للاخوان وحالياً دلوقت ضد ..... استنى هاتيجى
هو واحد تانى رئيس او مش رئيس وهما مش طالعين عشانه هو بالظبط هما طالعين عشان واحد وراه
الراجل التانى او الاول بس عامل نفسه التانى ، بص المهم انه نظام قالب على عسكرى اقرب من مدنى
لو حسبت مجموعة العواجيز اللى ماسكه البلد ووزير داخليتها الهفق اللى مأمن كل شئ فى البلد
ماعدا مديريات الامن !! ومنقدرش نقول انها جاية من الداخليه وبتضرب نفسها
بس برده لو شغلت عقلك شويه هتلاحظ ان الموضوع دا
اتهرس فى تلتميت فيلم عربى قبل كدا ، وان المغفلين بس اللى بينضرب على قفاهم مرتين
بص ياريس .. بتحب العسكر مقتنع انهم الحل الوحيد فى البلد خليك متمسك برأيك بس فكر وهاتعرف
ان حكم العسكر كان معظمه فساد وقمع حريات وأراء وتزاوج سياسين مع رجال اعمال وعمولات صفقات
مشبوهه وسرقة علنى لكل قطاعات الدولة ، الطبقة الفقيرة والمتوسطه فى البلد اكثر المتضررين
بينما الناس فاحشة الثراء والطبقة الغنية اوى دى معندهاش مشكلة
بل تقريبا كانت مصالحها كلها بتصب ما قبل 25 يناير .. واللى هما ماسكين عموايد وقطاعات الدولة اقتصادياً
بص كمان .. لو فاكر ان الاخوان والاسلاميين السياسين هما الحل الامثل خليك برده متمسك بحزبك ورأيك
بس نصيحه هما يعتبروا سنه اولى او تانيه ابتدائى ، ماينفعوش حاليا للحكم
السبب الاول .. عدم وجود خبرة فى التعامل مع اى مشكله تحصل فى البلد وعدم وجود مرونة عشان تحتويها
دايما بتقابل الاخطاء بالرفض والمبررات ، ماصدفتش حد معترف انهم اخطئوا بجانب (ناس تانين) فى حق البلد
السبب الثانى .. ان الجو المحيط اجتماعياً لا يساعد على انهم يفرضوا منهجيتهم على الواقع وحتى لو قدروا
فالوسط والمجتمع مش فاهم يعنى ايه نهج اسلامى اصلا !!
هو بالنسبالهم متمثل فى تطبيق الحدود والربا والحلال والحرام اللى هو المفروض اخر قضية ممكن تفكر فيها
طب هاتقولى امال ايه القضية الاولى .. هاقولك توصيل الرسالة يعنى ايه ؟!
بالبلدى تتكلم وتوضح فكرتك صح والاهم من كدا ان اللى بينوب عنك وجهه محترمه فاهمه وواعية
لكل شئ حواليها ونشر خصائص المنهج الاسلامى فى البلد بالتدريج ، خلى بالك انت فى مجتمع
اصلا كتير منه مابيصليش الا الجمعه .. فبلاش نضحك على بعض وتقولى متدين بطبعه !
بص مرة كمان .. الثوار مالهومش قائد محدد ممكن تقدر تثق فيه انه بيمثل كل المطالب الثورية
حصل انقسامات عديدة بين المصريين ، واللى هاقوله دا هو الزتونه نفسها خلى بالك ...
طبيعى يكون فى اختلاف فى الراى بس احنا متعودناش ولا اتعلمنا ازاى نتناقش اصلا
الصراع والقتل والهمجية فى التعامل جزء من ثقافتنا من الاساس ، ودا لان بقالنا كتير
مكبوتين من دولة امنية و كل صورتنا عن السياسة هى تلويث مظهر وجوهر الشخص المعادى
مش الوصول لحل واتفاق معاه ودا لو اقتنعنا انه من البنى ادمين اصلا !
حاجه تانيه او تالته ..وهى الاعلام ، فيه مثل بيقول
هناك هامان(وزير فرعون) لكل زمان ، وهامان هذا الزمان هو الاعلام
انت عارف ان الاعلام حاجتين .. يا موجّه ( متوجهه من جهه معينه زى امن الدولة مثلا )
او منحاز لطرف معين ، ممكن يصورلك ان العلبه فعلا فيها فيل ، ويخليك تبصم
وتصدق وتحلف بالله على كده !! ، كل اللى يهمه ان التيار او الطائفه اللى منحاز ليها تظهر
بانقى وافضل صورة والباقى عبارة عن قذارة منثورة على الارض
فيه اعلام وهو معروف طبعا انه تبع اى نظام وهو التليفزيون المصرى بتاعنا
انه شغال تطبيل على اى نظام ، لو مصر حكمها قرد ، هايطلعوا القرود افضل مخلوقات الله
واكثرهم حب للوطن وفدائيه وتضحيات وشغل اغانى وركوب مجانى على اى حاجه بداية من الثورة
والاعلام الاخر فى القنوات الخاصه الفضائية لبعض المذيعين مفيش داعى لذكر اساميهم
لكن انت هاتشعر وانت بتستمع ليهم بنسبة تعريض على اعلى مستوى ..
بالبلدى كده ماتصدقش حد ، وخلى فى بالك كل الاحتمالات وفكر قبل ما تكوين رايك
عارف لو رايك مختلف بس ناتج عن تفكير مش قعده على الكنبه هاتبقى فى نظرى كبير اوى
وهاحترمك ومش بعيد تلاقينى بعدها مقتنع بفكرتك اللى كنت من شويه مختلف معاها ...
اخر شئ عايز اقوله فى اليوم دا .. ماتبقاش حمار !
نستناه كل سنه عشان يقوم شويه من الناس غالباً من الشباب يثور ضد نظام
مرة للمجلس العسكرى ومره للاخوان وحالياً دلوقت ضد ..... استنى هاتيجى
هو واحد تانى رئيس او مش رئيس وهما مش طالعين عشانه هو بالظبط هما طالعين عشان واحد وراه
الراجل التانى او الاول بس عامل نفسه التانى ، بص المهم انه نظام قالب على عسكرى اقرب من مدنى
لو حسبت مجموعة العواجيز اللى ماسكه البلد ووزير داخليتها الهفق اللى مأمن كل شئ فى البلد
ماعدا مديريات الامن !! ومنقدرش نقول انها جاية من الداخليه وبتضرب نفسها
بس برده لو شغلت عقلك شويه هتلاحظ ان الموضوع دا
اتهرس فى تلتميت فيلم عربى قبل كدا ، وان المغفلين بس اللى بينضرب على قفاهم مرتين
بص ياريس .. بتحب العسكر مقتنع انهم الحل الوحيد فى البلد خليك متمسك برأيك بس فكر وهاتعرف
ان حكم العسكر كان معظمه فساد وقمع حريات وأراء وتزاوج سياسين مع رجال اعمال وعمولات صفقات
مشبوهه وسرقة علنى لكل قطاعات الدولة ، الطبقة الفقيرة والمتوسطه فى البلد اكثر المتضررين
بينما الناس فاحشة الثراء والطبقة الغنية اوى دى معندهاش مشكلة
بل تقريبا كانت مصالحها كلها بتصب ما قبل 25 يناير .. واللى هما ماسكين عموايد وقطاعات الدولة اقتصادياً
بص كمان .. لو فاكر ان الاخوان والاسلاميين السياسين هما الحل الامثل خليك برده متمسك بحزبك ورأيك
بس نصيحه هما يعتبروا سنه اولى او تانيه ابتدائى ، ماينفعوش حاليا للحكم
السبب الاول .. عدم وجود خبرة فى التعامل مع اى مشكله تحصل فى البلد وعدم وجود مرونة عشان تحتويها
دايما بتقابل الاخطاء بالرفض والمبررات ، ماصدفتش حد معترف انهم اخطئوا بجانب (ناس تانين) فى حق البلد
السبب الثانى .. ان الجو المحيط اجتماعياً لا يساعد على انهم يفرضوا منهجيتهم على الواقع وحتى لو قدروا
فالوسط والمجتمع مش فاهم يعنى ايه نهج اسلامى اصلا !!
هو بالنسبالهم متمثل فى تطبيق الحدود والربا والحلال والحرام اللى هو المفروض اخر قضية ممكن تفكر فيها
طب هاتقولى امال ايه القضية الاولى .. هاقولك توصيل الرسالة يعنى ايه ؟!
بالبلدى تتكلم وتوضح فكرتك صح والاهم من كدا ان اللى بينوب عنك وجهه محترمه فاهمه وواعية
لكل شئ حواليها ونشر خصائص المنهج الاسلامى فى البلد بالتدريج ، خلى بالك انت فى مجتمع
اصلا كتير منه مابيصليش الا الجمعه .. فبلاش نضحك على بعض وتقولى متدين بطبعه !
بص مرة كمان .. الثوار مالهومش قائد محدد ممكن تقدر تثق فيه انه بيمثل كل المطالب الثورية
حصل انقسامات عديدة بين المصريين ، واللى هاقوله دا هو الزتونه نفسها خلى بالك ...
طبيعى يكون فى اختلاف فى الراى بس احنا متعودناش ولا اتعلمنا ازاى نتناقش اصلا
الصراع والقتل والهمجية فى التعامل جزء من ثقافتنا من الاساس ، ودا لان بقالنا كتير
مكبوتين من دولة امنية و كل صورتنا عن السياسة هى تلويث مظهر وجوهر الشخص المعادى
مش الوصول لحل واتفاق معاه ودا لو اقتنعنا انه من البنى ادمين اصلا !
حاجه تانيه او تالته ..وهى الاعلام ، فيه مثل بيقول
هناك هامان(وزير فرعون) لكل زمان ، وهامان هذا الزمان هو الاعلام
انت عارف ان الاعلام حاجتين .. يا موجّه ( متوجهه من جهه معينه زى امن الدولة مثلا )
او منحاز لطرف معين ، ممكن يصورلك ان العلبه فعلا فيها فيل ، ويخليك تبصم
وتصدق وتحلف بالله على كده !! ، كل اللى يهمه ان التيار او الطائفه اللى منحاز ليها تظهر
بانقى وافضل صورة والباقى عبارة عن قذارة منثورة على الارض
فيه اعلام وهو معروف طبعا انه تبع اى نظام وهو التليفزيون المصرى بتاعنا
انه شغال تطبيل على اى نظام ، لو مصر حكمها قرد ، هايطلعوا القرود افضل مخلوقات الله
واكثرهم حب للوطن وفدائيه وتضحيات وشغل اغانى وركوب مجانى على اى حاجه بداية من الثورة
والاعلام الاخر فى القنوات الخاصه الفضائية لبعض المذيعين مفيش داعى لذكر اساميهم
لكن انت هاتشعر وانت بتستمع ليهم بنسبة تعريض على اعلى مستوى ..
بالبلدى كده ماتصدقش حد ، وخلى فى بالك كل الاحتمالات وفكر قبل ما تكوين رايك
عارف لو رايك مختلف بس ناتج عن تفكير مش قعده على الكنبه هاتبقى فى نظرى كبير اوى
وهاحترمك ومش بعيد تلاقينى بعدها مقتنع بفكرتك اللى كنت من شويه مختلف معاها ...
اخر شئ عايز اقوله فى اليوم دا .. ماتبقاش حمار !
يعنى انت بتشجع قعدة الكنبة! بس لازم تيجى بفايدة
ردحذفتؤ تؤ .. كنبه نو ، تفهم اه .. ثوره صعب ، الناس ان ذا (بالالا ) ^^
ردحذفمنور يا فاروق :)