دان براون

 

دان براون او " بروفيسور لانغدون " كما احب ان اسميه ،امريكى مواليد 1964

قريت للراجل دا روايتين الاولى اسمها الجحيم والثانية شفرة دافنشى

نصيحة بس الاول ، متحاولش تقرا روايات زى دى قبل النوم ، يعنى حاول تقرا

روايات رومانسية مثلا او تشوف فيلم كويس مفيهوش اكشن ودا عشان تعرف تنام وتقوم قدراتك الذهنية صحية وغاية فى الوضوح واستقبال اليوم

وماتكررش غلطتى ! ، انك تنام بعد قراية روايات زى دى هاتطلعلك فى احلامك

وهاتعيش الدور بالظبط وتحس بمتاهه غريبة لدرجه انك لما تستيقظ احتمال ماتعرفش انت فين

او بتعمل ايه على السرير اللى انت كنت نايم عليه دا !

هذا الرجل بيمتاز بقدرة فائقة على انه يقدر يخليك تلف حوالين نفسك طول الرواية ويعلمك انك لا تطمئن ابداً لشخصية معينة حتى البطل نفسه فى بعض الاحيان بيعلمك القدرة على الشك فى كل شئ اولها فى معتقداتك التى من الممكن ان تكون ماضيها مبنية على افتراضات بشرية وليست كما صورها لك التاريخ

فى شفرة دافنشى بيعرضلك قضية خطيرة جداً فى الوسط المسيحى خاصةً فى المسيحية الكاثوليكية

بيضربها فى مقتل ، ويجعلك تبحث بنفسك عبر كتب اخرى او على الانترنت فى مطابقه كلامة

لكى تعرف هل هو صواب ام مجرد افتراض فى رواية تدور احداثها عليها ..

هذا الرجل مفتون بالفنون بكافة انواعها ، تقريبا نص الرواية حول التراث الفنى والمعمارى

من اللوحات والاماكن والمتاحف ، وربطها بطريقه عبقرية فى مجرى الاحداث

بيخرجها من مجرد مناظر سياحية ذات تاريخ برّاق الى اثارة محيطة بالغموض والسمو الروحى

عن طريق سرد الماضى بالحاضر وتأثيرة على المستقبل فى قضية ما

هذا النوع نحتاج اليه من الروايات فى المتاحب والاثار المصرية وهايحصل صدى جامد ليها

لاننا لدينا حضارة فرعونية مازال الكثير منها غامض وممكن اللعب على اورتاره واستخلاص افكار

ورويات وصراعات بشأنه لو شغلنا الجمجمة شوية مع حبكة روائية وقضية معينة تدور حولها

هذا الرجل ، بعد قراءة روايتين ليه ، اتضحت بعض الروئ حول ماذا يريد ان يوصل للعالم

من خلال كتاباته ، هذا الامر سوف تستشفه بنفسك  بعد الانتهاء من القراءه

خاصة " شفرة دافنشى " بالماسونية وفرسان الهيكل اليهودى وعلاقاته بالمسيح وهكذا

وفى روايته الاخرى بعنوان " الجحيم " وتناول قضية معينة فى منظمة الصحة العالمية تدعى

تزايد اعداد السكان ، والحل الجذرى الذى اصطنعه من خلاله بيها

كل رواية تتناول جانب معين من الفن ورواد الفن وصناعتهم لاشياء غيرت فى التاريخ الاوروبى

وجعلت منه انطلاقة حقيقية بعد ذلك

بإختصار هو يريد اقناعك ان الكثير من الامور فى العالم المعاصر قد تم اللعب فيها لتبدو حقيقية لك

كما يريد من هم فى قمة العالم لخدمه مصالحهم ، ولكن الحقيقة (من وجهه نظره ) غير ذلك

فهو يريد ان يرسلك للماضى لكى تتعرف من خلاله على اصل كل شئ ...

دا المتخصر المفيد حول قرائتى لروايتين فقط من رواياته ، اعتقد ان هاستنى فتره عشان اقدر

ادخل فى مغامرة اخرى لرواية جديدة ليه ، مع الاخد بالاعتبار فى المره القادمة الا اقرأ وانا مقبل على النوم !